الصبر مفتاح الفرج

********الصبر مفتاح الفرح
*****



الحزن شيء عادي على مُر الأهوال
شعور في الانسان ما خـذ سيـادة

وما فيه غير الصبر في كل الاحوال
الصبر مفتـاح الفـرج والسعـادة

هذي هي الدنيا وهذا هـو الحـال
غبن ومتاعب وإنتكـاس وقـرادة

يومٍ يكون الحال مزيـون يختـال
ويوم تتجـرع كـاؤوس النكـادة

ويوم من زود البلا حملـك جبـال
همٍ وغـمٍ .. كـن حولـك أبـادة

تتكالب الاحـزان والقلـب مدهـال
مَعلم لمن يعـرف أصـول الارادة

خلك شديد البأس لو كنـت رجـال
ولا يعجزك حزنك وتتبـع فسـادة

الحال يتغيـر ولـو زاد او طـال
ويا زين طعم السعد بعـد أفتقـادة

محال يبقى حال على حاله محـال
كم فـارسٍ سلـم لكبـوة جـوادة

هذي هي الدنيا معانـاة واعمـال
اعمل لموتـك قبـل يومـك وزادة

هناك تلقى السعد في قصرك العـال
وتهنـا بفـوز الله وجنـة معـادة

طوبا لمن في غيرها عاش رحـال
حول الجنان وحـول دور العبـادة

وكثر من التسبيح ورطب بما قـال
لسان حاله لجـل يهنـا حصـادة

وهل يكب الناس في النار بأغـلال
الا حصاد لسـان خاسـر مـرادة

ما ينفعه كثر الحكي وزن مكيـال
الا الخفاف اللـي ثقلهـن زيـادة

الحمد والتسبيح يـا طيـب الفـال
أثقل في الميـزان وأعظـم أفـادة

سبحانك اللهم يـارب .. الانفـال
أختم لنا الدنيـا بنطـق الشهـادة